Музички концерт „Stefanijazz“ – 10 години музичка продукција Welcome to Stefanija’s Music World
Ве покануваме на јубилеен концерт кој слави една деценија посветеност, креативност и љубов кон музиката!
*Stefanija* дипломирана поп-џез пејачка, артистка со препознатлива интерпретација и оригинален звук, заедно со искусните музичари, ќе ве поведе низ своето музичко патување исполнето со емоции, слобода и звук што допира до срцето.
Концерт кој носи љубов кон музиката, искреност и стил кој спојува повеќе жанрови. Во живо ќе ги слушнете нејзините најистакнати авторски композиции, преработени во современи џез, џез-рок и босанова аранжмани, џез стандарди – звук што го спојува класичното и модерното, нежното и енергичното.
Датум: 27.06.2025, во 20ч.
Локација: Нова сцена, Центар за култура Битола
Билети: 250 денари (Анастасија Центар, Порта Џез)
Обезбедете си билет на време, местата се ограничени!
Настапуваат:
• Стефанија Милевска Враниќ – вокал
• Билјана Трајковска – вокал и пратечки вокали
• Владимир Враниќ – гитара
• Владимир Николиќ / Dadoni – труба
• Ристо Крстевски – клавијатура
• Зоки Паркет – контрабас и бас
• Павел Талевски – тапани
Не пропуштајте!
Проектот е поддржан од Министерство за култура и туризам на Македонија и Општина Битола.
**********************************************************************************************
Стефанија е продуцент на аудио и видео продукцијата Welcome to Stefanija’s Music World од 2015та година, со цел да се промовира нејзината авторска музичка креација, да даде поддршка на младите талентирани артисти и талентираните лица со попречености кои создаваат музика.
Во продукцијата Welcome to Stefanija’s Music World се издадени: 2 музички албуми (17 песни), 7 синглови, 18 видео записи, 1 мјузикл за деца и млади, 23 преработки и авторска музика на млади артисти, 2 документарци за лицата со попречености и тн.
https://www.facebook.com/welcometostefanijasmusicworld
https://youtube.com/@welcometostefanijasmusicworld?si=6JfCS0VyinhxmCh6
